ዜና እፍታ ተጨማሪ ዘገባዎችን በመደበኛ የዜና ዕወጃ ሰዓታችን ያገኛሉ፡፡ https://amharic.voanews.com/ | VOA Amharic

የሰሜን ኢትዮጵያ ጦርነት ለሥራ አጥ ቁጥር መጨመር አባባሽ ምክኒያት መሆኑ ተነገረ 👉ዝርዝር ዘገባውን ከተያያዘው ፋይል ያዳምጡ። | VOA Amharic

በመቐለ በመዝናኛ ስፍራ ላይ የተወረወረ ቦምብ የሕይወት እና የአካል ጉዳት አደረሰ ▶️በትግራይ ክልል መቐለ ከተማ፣ ቐዳማይ ወያነ ክፍለ ከተማ፣ “ዳዕሮ” በተባለ የምሽት መዝናኛ ቦታ፣ ትላንት በተወረወረ የእጅ ቦምብ፣ የአራት ሰዎች ሕይወት አለፈ። የተጣላትን ፍቅረኛውን በምሽት መዝናኛው ከሌላ ሰው ጋራ ኾና የተመለከተው የተሰናበተ የቀድሞ የትግራይ ተዋጊ ተጠርጣሪ በቅናት ተነሣስቶ ድርጊቱን መፈፀሙን ፖሊስ አስረድቷል። የአሸንዳ በዓል የመጨረሻው ቀን በሚከበረበት፣ ትላንት፣ ነሐሴ 18 ቀን 2015 ዓ.ም. ሌሊት 8 ሰዓት ገደማ፣ የተወረወረው የእጅ ቦምብ በ20 ሰዎችም ላይ የአካል ጉዳት ማድረሱን የከተማዋ ፖሊስ አዛዥ ኮማንደር ወልዳይ ማውጫ፣ ለአሜሪካ ድምፅ ገልፀዋል። የጥቃት አድራሹ ተጠርጣሪ ማንነት እንደታወቀ የፖሊስ አዛዡ ቢያስታውቁም፣ ገና በቁጥጥር ሥር እንዳልዋለ ገልጸዋል። ዝርዝ

▶በጎንደር ዩኒቨርሲቲ ሦስት ግቢዎች ላይ፣ በታጣቂዎች በተፈጸመ ጥቃት፣ አንድ ፈታኝ መምህር እና ሁለት ፖሊሶች እንደተገደሉ፣ እንዲሁም በሌሎች ዩኒቨርሲቲዎች፣ ሁለት ተማሪዎች በጤና እክል ምክንያት እንደሞቱ፣ የትምህርት ሚኒስቴር አስታውቋል፡፡ የትምህርት ሚኒስቴር፣ የዘንድሮውን የ12ኛ ክፍል መልቀቂያ ፈተና መጠናቀቅን አስመልክቶ በሰጠው መግለጫ፣ በዩኒቨርሲቲው ላይ ጥቃት መፈጸሙን ተከትሎ፣ 16 ሺሕ ተማሪዎች የተወሰኑ ፈተናዎችን እንዳልወሰዱ፣ ሚኒስትሩ ፕሮፌሰር ብርሃኑ ነጋ ተናግረዋል። በጋምቤላ ዩኒቨርሲቲ ደግሞ፣ የምግብ ብክለት እንዳጋጠመና ተማሪዎች ወደ ሕክምና ገብተው እንደነበር የገለጹት ሚኒስትሩ፣ 38 ተማሪዎች ፈተና መውሰድ እንዳልቻሉ ተናግረዋል። ዝርዝሩን ከተያያዘው ፋይል ይከታተሉ። 👇 | VOA Amharic

▶️፡ የሰሜን ጦርነት ጉዳይ የዛሬ (ማክሰኞ) መረጃ የመከላከያ ኃይሎቹ ሽረን፣ አላማጣንና ኮረምን የያዙት “በከተሞች ውስጥ ጦርነት ሳያካሂዱ” ነው ሲል የመንግሥት ኮምዩኒኬሽንስ አገልግሎት ዛሬ አስታውቋል። የፌዴራል መንግሥቱ ኃይሎች ሽረን ትናንት መቆጣጠራቸውን ያረጋገጠውና በበኩሉ የክተት ጥሪ ያወጣው ህወሓት የተኩስ አቁም ሥምምነት በአስቸኳይ እንዲደረግና ወደ ክልሉ ሰብዓዊ ድጋፍ ያለምንም ገደብ እንዲቀርብም ጠይቋል። ግጭቱ በአስቸኳይ እንዲቆም ከዓለምአቀፉ ማኅበረሰብ እየቀረቡ ላሉ ጥሪዎችን በግልፅ ምላሽ ያልሰጠው ፌዴራሉ መንግሥት “ሠራዊቱ በተቆጣጠራቸው አካባቢዎች እርዳታ በተሣለጠ ሁኔታ እንዲደርስ በቂ ዝግጅት አድርጌአለሁ” ብሏል። ይህ በእንዲህ እንዳለ ጦርነቱ እንዲቆምና የሰላም ንግግር እንዲጀመር ከዓለምአቀፉ ማኅበረሰብ የሚሰሙት ግፊቶች እንደቀጠሉ ነው። [ሙሉውን ዘገባ ከተያያዘ

▶️ፑቲንና ዐቢይ ሴ’ንት ፒተርስበርግ ላይ ተገናኝተው ተወያዩ የሩሲያው ፕሬዚዳንት ቭላድሚር ፑቲንና የኢትዮጵያው ጠቅላይ ሚኒስትር ዐቢይ አሕመድ፣ በሴንት ፒተርስበርግ ላይ ተገናኝተው ተወያዩ፡፡ ጠቅላይ ሚኒስትር ዐቢይ፣ በነገው ዕለት በሚጀመረው የሩሲያ-አፍሪካ የመሪዎች ጉባኤ ላይ ለመሳተፍ፣ በዛሬው ዕለት ሴንት ፒተርስበርግ ከተማ እንደገቡ ሲታወቅ፣ በከተማዋ፣ ከፕሬዚዳንት ቭላዲሚር ፑቲን ተገናኝተው እንደተወያዩ፣ የአሶሺዬትድ ፕሬስ ዘገባ አመልክቷል። “ጉባኤው፣ 1ነጥብ3 ቢሊዮን ሕዝብ ለሚኖርባትና በዓለም መድረክ ላይ አቋሟን ይበልጥ በማንጸባረቅ ላይ ከምትገኘው የአፍሪካ አህጉር ጋራ ያለውን ግንኙነት ለማጠናከር የሚረዳ ከፍተኛ ኹነት ነው፤” ሲሉ፣ ቭላድሚር ፑቲን እንደተናገሩ ዘገባው አመልክቷል። “ሩሲያ እና ኢትዮጵያ፣ በወቅታዊ ዓለም አቀፍ ጉዳዮች ላይ ተመሳሳይ አቋም ይጋራሉ፤” ሲሉ፣